ԱՄՆ եկեղեցում պայթյուն է տեղի ունեցել

Նյու Յորքի Բունվիլ քաղաքի Abundant Life Fellowship եկեղեցում պայթյուն է տեղի ունեցել։ Այս մասին գրում է Associated Press-ը։

«Հինգ մարդ վիրավորվել է, այդ թվում՝ քահանան և հրշեջները, որոնք դեպքի վայր են ժամանել շենքում գազի հոտի մասին հաղորդումից հետո», - նշվում է հաղորդագրության մեջ։

Գործակալության տվյալներով՝ վիրավորները գտնվում են ծանր վիճակում, իսկ եկեղեցու շենքը անդառնալիորեն մեծ վնաս է կրել։ Ոստիկանությունը միջադեպում «հանցագործության որևէ նշան» չի հայտնաբերել։

Իրավապահ մարմինները հետաքննում են միջադեպի բոլոր հանգամանքները։