Հայտնի է դարձել ԱՄՆ-ի գաղտնի բանակցությունների մասին

ԱՄՆ պետքարտուղար Մարկո Ռուբիոն բանակցություններ է վարում Կուբայի կոմունիստական կուսակցության նախկին առաջնորդ Ռաուլ Կաստրոյի թոռան՝ Ռաուլ Գիլյերմո Ռոդրիգես Կաստրոյի հետ։ Այս մասին հաղորդում է Axios-ը՝ հղում անելով իր աղբյուրներին։

Ըստ հրապարակման՝ շփումները տեղի են ունենում Կուբայի կառավարության հետ պաշտոնական դիվանագիտական ուղիները շրջանցելով։ Աղբյուրների գնահատմամբ՝ ԱՄՆ նախագահ Դոնալդ Թրամփի վարչակազմը Կաստրոյին դիտարկում է որպես կղզում ազդեցիկ որոշումներ ընդունող գործիչներից մեկը։ «Սա ավելի շուտ ապագայի քննարկում է, քան բանակցություն», — նշել է աղբյուրներից մեկը։

Ավելի վաղ Ռուսաստանի արտաքին գործերի նախարար Սերգեյ Լավրովը, Կուբայի իր գործընկեր Բրունո Ռոդրիգես Պարրիլյայի հետ բանակցությունների մեկնարկին, կոչ էր արել ԱՄՆ-ին զերծ մնալ Կուբայի դեմ ծովային շրջափակման հնարավոր ծրագրերից։