Հունգարիան Ուկրաինային մեղադրել է էներգետիկ «շանտաժի» մեջ

Հունգարիայի արտաքին գործերի նախարար Պետեր Սիյարտոն հայտարարել է, որ Ուկրաինան դադարեցրել է ռուսական նավթի մատակարարումները «Դրուժբա» նավթատարով՝ փորձելով ստիպել Բուդապեշտին աջակցել Ուկրաինայի անդամակցությանը Եվրամիությանը։ Այս մասին նա ասել է ՏԱՍՍ գործակալությանը տված մեկնաբանությունում։

Սիյարտոյի խոսքով՝ նավթի տարանցման համար տեխնիկական խոչընդոտներ չկան, և մատակարարումների դադարեցումը քաղաքական որոշման հետևանք է։ Նա նշել է, որ այդ քայլը նպատակ ունի ստիպել Հունգարիային աջակցել ռազմական գործողություններին, ֆինանսավորում հատկացնել և հրաժարվել ռուսական էներգակիրներից։

Հունգարիայի արտգործնախարարը հավելել է, որ կառավարությունը քայլեր է ձեռնարկում ռուսական նավթի մատակարարումների ապահովման համար։ Մասնավորապես, Հունգարիան և Սլովակիան դիմել են Խորվաթիային՝ թույլատրելու նավթի փոխադրումը իր տարածքով։ Ավելի վաղ Սլովակիայի վարչապետ Ռոբերտ Ֆիցոն սպառնացել էր դադարեցնել Ուկրաինային էլեկտրաէներգիայի մատակարարումը, եթե նավթի տարանցման սահմանափակումները շարունակվեն։