Թրամփի վարչակազմը գնահատել է Իրանի հետ բանակցությունները

ԱՄՆ-Իրան բանակցություններում որոշակի առաջընթաց է գրանցվել, սակայն երկու կողմերը դեռևս հեռու են միմյանցից։ Այս մասին ճեպազրույցի ժամանակ ասել է Սպիտակ տան մամուլի քարտուղար Քերոլայն Լևիթը, փոխանցում է TASS-ը։

«Ես հասկանում եմ, որ իրանցիները հաջորդ մի քանի շաբաթների ընթացքում կպատասխանեն մեզ որոշ մանրամասներով։ Այսպիսով, նախագահ [ԱՄՆ Դոնալդ Թրամփը] կշարունակի հետևել իրադարձությունների զարգացմանը», - ասել է նա։

Ըստ The Wall Street Journal-ի՝ Ժնևում ԱՄՆ-Իրան բանակցությունների ժամանակ Թեհրանը առաջարկել է իր բարձր հարստացված ուրանի պաշարների մի մասը ուղարկել երրորդ կողմի, ինչպիսին է Ռուսաստանը՝ լուծելու Վաշինգտոնի միջուկային ծրագրի վերաբերյալ հիմնական մտահոգությունները։ Ըստ թերթի՝ Իրանը պատրաստ է կասեցնել հարստացումը մինչև երեք տարի։ Սակայն Թրամփի վարչակազմը պնդում է ծրագրի լիակատար դադարեցման վրա։ Բանակցությունների ընթացքում ԱՄՆ-ն մեծացնում է իր ռազմական ներկայությունը տարածաշրջանում, իսկ Իրանը սպառնացել է փակել Հորմուզի նեղուցը։