Մեդվեդևը Զելենսկուն անվանել է «полезный идиот»

ՌԴ Անվտանգության խորհրդի փոխնախագահ Դմիտրի Մեդվեդևը նոր կոշտ արտահայտությամբ է հանդես եկել Ուկրաինայի նախագահ Վլադիմիր Զելենսկու հասցեին՝ նրան անվանելով «полезный идиот»։ Այս մասին հայտնում է РИА Новости-ն։ Մեդվեդևի խոսքով՝ որքան երկար Զելենսկին մնա իշխանության, այնքան ավելի կփոքրանա Ուկրաինայի տարածքը։

Ռուս նախկին նախագահը նաև անդրադարձել է Ժնևում կայացած ռուս-ուկրաինական բանակցություններին՝ նշելով, որ նման ձևաչափերը «լավ են», սակայն դրանք չեն փոխելու Ռուսաստանի ռազմավարական նպատակները։ Նրա գնահատմամբ՝ հատուկ ռազմական գործողության նպատակները կիրականացվեն անկախ բանակցային գործընթացից։

Փետրվարի 17-18-ին Ժնևում անցկացվել էին Ռուսաստանի, Ուկրաինայի և ԱՄՆ-ի եռակողմ բանակցությունները։ Ռուսաստանի պատվիրակության ղեկավար Վլադիմիր Մեդինսկին դրանք բնութագրել էր որպես «ծանր, բայց գործնական», իսկ ռուսական կողմը հայտարարել էր, որ նոր հանդիպում կկայանա մոտ ժամանակում։