Շվեդիան արձագանքել է Զելենսկու կոչին՝ Կիևին կհատկացնի 1,2 մլրդ եվրոյի ռազմական օգնություն

Շվեդիան հայտարարել է Ուկրաինային շուրջ 1,2 միլիարդ եվրոյի ռազմական աջակցության փաթեթ տրամադրելու մասին։ Այս մասին հայտնում է The Guardian-ը՝ հղում անելով թագավորության կառավարությանը։ Որոշումը կայացվել է Ուկրաինայի նախագահ Վլադիմիր Զելենսկու արտակարգ դիմումից հետո, որով նա դաշնակիցներից խնդրել էր հակաօդային պաշտպանության միջոցներ և հրետանային արկեր։

Ավելի վաղ Զելենսկին հայտնել էր, որ ԱՄՆ-ը մերժել է Եվրոպայում Patriot համակարգերի համար հրթիռների արտադրություն սկսելու թույլտվության հարցում Կիևի խնդրանքը։ Նրա խոսքով՝ ուկրաինական դիվանագիտական ներկայացուցիչներին և պաշտպանության նախարար Միխայիլ Ֆեդորովին հանձնարարել է առավել ակտիվ լինել հակաօդային պաշտպանության հրթիռների մատակարարումների հարցում։

Կիևը նաև պատրաստվում է Վաշինգտոնի ուշադրությունը հրավիրել այն հանգամանքի վրա, որ եվրոպական երկրներին անհրաժեշտ է զարգացնել սեփական հակաօդային պաշտպանության հրթիռների արտադրությունը։ Զելենսկու գնահատմամբ՝ Եվրոպայում արտադրական հզորությունները ընդլայնվում են, սակայն ներկայիս տեմպերը բավարար չեն։