Գերմանիան ընդունել է մոտ 1700 վիրավոր ուկրաինացի

Գերմանիան պատերազմական գործողությունների մեկնարկից ի վեր ընդունել է մոտ 1700 վիրավոր և հիվանդ ուկրաինացի, հայտնում է «DV Главное» տելեգրամյան ալիքը՝ հղում անելով Գերմանիայի առողջապահության նախարարությանը։

Նախարարությունը չի նշում, թե որքան վիրավորներն են խաղաղ բնակիչներ և որքանը՝ զինվորականներ՝ պահպանելով անձնական կյանքի գաղտնիության իրավունքը։

Ծանր վիրավորները և հիվանդները տեղափոխվում են Գերմանիա՝ Եվրոպական Միության քաղաքացիական պաշտպանության մեխանիզմի շրջանակում։

Քաղաքացիների տեղափոխությամբ զբաղվում են նաև մարդասիրական կազմակերպությունները, սակայն Գերմանիայի կառավարությունը դրանց գործունեության վերաբերյալ ճշգրիտ տվյալներ չունի։