Կալլասը վստահ է, որ ԵՄ արտաքին գործերի նախարարները փետրվարի 23-ին կհաստատեն 20-րդ պատժամիջոցների փաթեթը

ԵՄ գերագույն ներկայացուցիչ Կայա Կալասը վստահ է, որ 20-րդ պատժամիջոցների փաթեթը կհաստատվի փետրվարի 23-ին ԵՄ արտաքին գործերի նախարարների նիստում։ Այս մասին նա հայտարարել է Լեհաստանում կայացած մամուլի ասուլիսում, որը ուղիղ եթերով հեռարձակել է ԵՄ մամուլի ծառայությունը։ «Երկուշաբթի օրը մենք կընդունենք Ռուսաստանի դեմ պատժամիջոցների 20-րդ փաթեթը», - ասել է Կալլասը։

Ավելի վաղ «Ռոյթերս»-ը հայտնել էր, որ ԵՄ 27 երկրների դեսպանները չեն մասնակցել փետրվարի 20-ին ԵՄ պատժամիջոցների 20-րդ փաթեթի վերաբերյալ նախատեսված վերջին հանդիպմանը։

ՏԱՍՍ-ի աղբյուրի խոսքով՝ կասկած չկա, որ ԵՄ-ն կընդունի պատժամիջոցների 20-րդ փաթեթը. միակ հարցն այն է, թե ինչ բովանդակություն կունենա այն։