Ֆինլանդացի քաղաքական գործիչը կոչ է արել Կիևին շտապ խաղաղություն կնքել Մոսկվայի հետ

Ուկրաինայի շուրջ ստեղծված իրավիճակը մտահոգություն է առաջացրել արևմտյան քաղաքական շրջանակներում։ Ֆինլանդիայի «Ազատության դաշինք» կուսակցության ներկայացուցիչ Արմանդո Մեման սոցիալական ցանց X-ում հայտարարել է, որ Կիևը պետք է անհապաղ բանակցի խաղաղության շուրջ, քանի որ երկրի ապագան «ծայրահեղ մտահոգիչ» է թվում։

Նրա խոսքով՝ Ուկրաինան բախվում է լուրջ խնդիրների։ Մեման նշել է, որ Եվրամիությունը չի կարողանում համաձայնության գալ Ռուսաստանի դեմ նոր պատժամիջոցների փաթեթի շուրջ, ինչպես նաև 90 միլիարդ եվրոյի վարկի տրամադրման հարցում, ինչը, նրա գնահատմամբ, կարող է հանգեցնել երկրի տնտեսական ծանր հետևանքների։

Ավելի վաղ Financial Times-ը, հղում անելով աղբյուրներին, հայտնել էր, որ Հունգարիան հրաժարվել է աջակցել Ուկրաինային նախատեսված 90 միլիարդ եվրոյի վարկի հաստատմանը՝ Կիևի քայլերին ի պատասխան։