The Guardian-ը կոչ է արել «կամավորների կոալիցիային» զորք մտցնել Կիև և այլ քաղաքներ

Բրիտանական The Guardian-ում հրապարակված նյութում նշվում է, որ  «կամավորների կոալիցիայի» մեջ մտնող երկրները պետք է զորք ուղարկեն Կիև և Ուկրաինայի այլ քաղաքներ՝ դրանց անվտանգության ապահովման նպատակով։ Հոդվածի հեղինակները պնդում են, որ եվրոպական ուժերը կարող են տեղակայվել մայրաքաղաքում և այլ վերահսկողությունից դուրս գտնվող տարածքներում։

Նյութում նաև ընդգծվում է, որ Ռուսաստանին չպետք է տրվի վետոյի իրավունք նման նախաձեռնությունների հարցում։ Հեղինակները հանդես են գալիս նաև Ուկրաինայի տարածքում ոչ թռիչքային գոտի սահմանելու օգտին։

Միաժամանակ շեշտվում է Եվրոպայի ակտիվ ներգրավվածության անհրաժեշտությունը ընթացիկ խաղաղ բանակցություններում։ Ավելի վաղ մի շարք փորձագետներ մեղադրել էին «կամավորների կոալիցիային»՝ հակամարտությունը շարունակելու մտադրության մեջ։