NYT: ԱՄՆ-ը կարող է խրվել երկարատև պատերազմի մեջ՝ Իրանի դեմ հարվածների դեպքում

ԱՄՆ-ը լուրջ ռիսկի է դիմում խրվել երկարատև և բարդ հակամարտության մեջ, եթե նախագահ Դոնալդ Թրամփը որոշի ռազմական հարվածներ սկսել Իրանի դեմ։ Այս մասին գրում է The New York Times-ը՝ նշելով, որ նման գործողությունը կարող է զգալիորեն ավելի բարդ լինել, քան Վենեսուելայում իրականացված օպերացիան։

Պարբերականի փոխանցմամբ՝ Իրանը ունի զգալի ռազմական ներուժ և տարածաշրջանում գործող պրոքսի ուժերի լայն ցանց, որոնք կարող են դիմադրություն ցույց տալ ամերիկյան զորքերին։ Բացի այդ, Թեհրանը տիրապետում է Մերձավոր Արևելքի ամենախոշոր հրթիռային զինանոցներից մեկին, ինչը կարող է վտանգի տակ դնել տարածաշրջանում տեղակայված ամերիկյան ռազմաբազաները։

Ավելի վաղ Axios-ը հայտնել էր, որ Վաշինգտոնում քննարկվել է նաև Իրանի գերագույն առաջնորդ Այաթոլլա Ալի Խամենեիի և նրա որդու՝ Մոջթաբայի հնարավոր «չեզոքացման» տարբերակը։ Ըստ աղբյուրների՝ այդ սցենարը ներկայացվել է Թրամփին մի քանի շաբաթ առաջ։