Շենգավիթում բախվել են ավտոմեքենաներ․ 4 վիրավորից մեկն անչափահաս է

Փետրվարի 21-ին խոշոր ավտովթար է տեղի ունեցել Երևանում։ Ժամը 14:30-ի սահմաններում Բագրատունյաց պողոտա-Եղիշե Թադևոսյան փողոցի խաչմերուկում բախվել են Jeep Compass և Toyota RAV4 մակնիշի ավտոմեքենաները։

Ինչպես հայտնում է Shamshyan.com-ը, վթարի հետևանքով 4 մարդ, որոնցից մեկն անչափահաս է, տեղափոխվել է Երևանի տարբեր հիվանդանոցներ, իսկ անչափահասը՝ Երևանի «Սուրբ Աստվածամայր» բժշկական կենտրոն։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է ավտոմեքենաների սեփականատերերի, վարորդների և վիրավորների ինքնությունը։ Կայքը հայտնում է, որ բախման հետևանքով Jeep Compass-ը գլխիվայր։