Լեհաստանը խոստացել է աջակցել Ուկրաինայի արագացված անդամակցությանը ԵՄ-ին

Լեհաստանի Սեյմի խոսնակ Վլոդիմեժ Չաժաստին հայտարարել է, որ Վարշավան պատրաստ է աջակցել Ուկրաինայի՝ Եվրոպական միությանը արագացված անդամակցության գործընթացին։ Այս մասին նա նշել է Կիևում Ուկրաինայի Գերագույն ռադայի խոսնակ Ռուսլան Ստեֆանչուկի հետ հանդիպման ընթացքում, հաղորդում է Onet-ը։

«Մենք կօգնենք ձեզ անդամակցել Եվրոպական միությանը։ Դուք կմտնեք Եվրամիություն», — ընդգծել է Չաժաստին։ Նա խոսել է նաև լեհ-ուկրաինական հարաբերությունների պատմության բարդ փուլերի մասին՝ հավելելով, որ անցյալից պետք է ճիշտ հետևություններ անել։ Ստեֆանչուկը, իր հերթին, շնորհակալություն է հայտնել Լեհաստանին ցուցաբերած աջակցության համար։

Հանդիպման ավարտին կողմերը ստորագրել են հռչակագիր, որով լեհական խորհրդարանը վերահաստատել է իր աջակցությունը Ուկրաինայի եվրոպական ինտեգրմանը։ Ավելի վաղ Չաժաստին նաև առաջարկել էր Ուկրաինայի նախագահ Վլադիմիր Զելենսկուն աջակցություն ընտրությունների կազմակերպման հարցում՝ ինչպես նախագահի, այնպես էլ խորհրդարանի ընտրությունների անցկացման շրջանակում։