Ով է սննդի յուրացման և կաշառքի մեղադրանքով մանկապարտեզի ձերբակալված տնօրենը

Երևանում այսօր ձերբակալված √143 մանկապարտեզի տնօրեն Ռուզաննա Դանիելյանին մեղադրանք է առաջադրվել Կաշառք վերցնելու և առանձնապես խոշոր չափի գույքի հափշտակության, լիազորությունների չարաշահման /ՔՐ 435/ հոդվածի հատկանիշներով։

Դանիելյանի անունը կապվում է մի շարք աղմկահարույց չարաշահումների հետ։ Խոսքը՝ երեխաներին հատկացված սննդի յուրացման, կաշառք ստանալու և աշխատավարձերի հափշտակության դրվագների մասին է։ Բողոքները սաների ծնողներից են, երեխաները մշտապես սոված են վերադարձել տուն, և ահա ծնողները միահամուռ բացահայտել են ողջ եղելությունը։

Սկանդալային տիկնոջ այս ձերբակալմանը, հիշեցնենք, նախորդել է ոչ պակաս աղմկալի մեկ այլ բացահայտում։ Մանկապարտեզի սաների սննդի գողության մեջ կասկածվող տնօրեն Դանիելյանը Դանիել Իոաննաիսյանի կղմից բացահայտված այն տնօրեններից մեկն է, ով նախկինում իշխող ՀՀԿ-ի օգտին ընտրական գործընթացների մեջ էր ներքաշվել, Ըստ սկանդալային ձայնագրության` Ռուզաննա Դանիելյանը խոստացել էր ՀՀԿ-ի օգտին 60 հոգանոց ցուցակ ներկայացել իր աշխատակազմի հաշվին Շենգավիթ վարչական շրջանի թաղապետարան։

Իրավապահ համակարգի ուշադրության կենտրոնում հայտնված սույն տիկինը ,ակնահայտորեն խնայվել է մինչ օրս, քանի որ փոխկապակցված է իշխանական պատգամավոր Խաչատուր Սուքիասյանի հետ, ավելի ստույգ՝ վերջինիս թկնազորի անդամներից մեկի կինն է։ Բացի այդ, նա ակտիվ մասնակցում է Եկեղեցու դեմ արշավներին հատկապես Փաշինյանի համար բեմադրված ֆեյք պատարագներին։

Հիշեցնենք, որ այս պահին Հակակոռուպցիոն կոմիտեում քննվում է քրեական վարույթ՝ կաշառք ստանալու, կաշառք տալու և պաշտոնեական դիրքն օգտագործելով գույք հափշտակելու հոդվածներով։ Այս գործով Ռուզաննա Դանիելյանի դեմ հաղորդում են ներկայացրել մեկ տասնյակից ավելի աշխատակիցներ և ծնողներ։