Արցախից դեպի «Արևմտյան Ադրբեջան» և արտագաղթ․ Բաքուն պատրաստում է միլիոնանոց «դեսանտ» դեպի Երևան. Հայկ Նահապետյան (տեսանյութ)

 Euromedia24-ի «Մեծ բանավեճի» հարթակում տեղի ունեցավ քննարկում, որի թեման, այսպես կոչված, «Արևմտյան Ադրբեջանն» էր։

Քննարկման բանախոսներն էին

«Դեմոկրատական այլընտրանք» կուսակցության նախագահ Սուրեն Սուրենյանցը,

Ռազմական մական փորձագետ Հայկ Նահապետյանը,

«Հանուն սոցիալական արդարության» կուսակցության նախագահ Արման Ղուկասյանը,

«Ազգային անվտանգություն» կուսակցության նախագահ Գառնիկ Իսագուլյանը։

Քննարկման մոդերատորն էր Վահան Բաբայանը՝ «Ռեֆորմիստների կուսակցության» նախագահը։

«Դեմոկրատական այլընտրանք» կուսակցության նախագահ Սուրեն Սուրենյանցը,

Ռազմական մական փորձագետ Հայկ Նահապետյանը,

«Հանուն սոցիալական արդարության» կուսակցության նախագահ Արման Ղուկասյանը,

«Ազգային անվտանգություն» կուսակցության նախագահ Գառնիկ Իսագուլյանը։

Քննարկման մոդերատորն էր Վահան Բաբայանը՝ «Ռեֆորմիստների կուսակցության» նախագահը։

Վահան Բաբայանը հարց ուղղեց Հայկ Նահապետյանին՝ ինչ մեխանիզմներ ունի Հայաստանը՝ կանխելու դեմոգրաֆիկ էքսպանսիան։ 

Հայկ Նահապետյանն ի պատասխան՝ ասաց, որ կանխելու համար նախ պետք է վտանգի իրական չափը գնահատել։ Պատմաքաղաքական առումով՝ Արևմտյան Ադրբեջան անունով տարածք կամ պետություն երբեք չի եղել։ Բայց երբ Ալիևը շրջանառության մեջ է դնում «Արևմտյան Ադրբեջան» խոսույթը, նա դրա համար վստահաբար հիմքեր ունի, իսկ հիմքերը ստեղծվել են 2011 թվականին՝ Ադրբեջանի գիտությունների ազգային  ակադեմիայի երեք գիտնականներ գնացել են Վատիկան։

«Նրանց, Ադրբեջանի նախագահի և Հռոմի պապի պայմանավորվածությամբ, թույլատրված էր փակ գաղտնի արխիվների հետ աշխատել։ 2011-ին կար Արցախ, Արցախի բանակ, Արցախի հարցի լուծման ինչ-որ ճանապարհներ, և հիմա Ադրբեջանը Վատիկանի հետ համագործակցում է մի հարցի շուրջ, որը այդ տարիների անտրամաբանական էր թվում»,-ասաց Հայկ Նահապետյանը։ 

Նրա խոսքով՝ եթե Ալիևն ասում է, որ Հայաստանն իրենց հայրենիքն է, նա պետք է հիմքեր ունենա։ Եվ ստեղծվում է մի մոտիվացված ժողովուրդ, որն ասում է՝ այս հսկայական տարածքների տերը մենք ենք։ Նրանք մոտիվացվում են զինվորի հոգեբանությամբ, որպեսզի գան այս տարածքները գրավելու։ Նրանց ասվում է, թե այստեղ նրանց պատմական հողերն են։  

«Ալիևի նշած 300 000 թիվը 1988 թվականին Հայաստանից դուրս եկած մարդիկ են, և եթե իրենց ժառանգներով փորձեն հետ գալ, նրանց թիվը կլինի 1 միլիոն։ Չե՞ք կարծում, որ եթե 1 միլիոն ադրբեջանցի գա Հայաստան, այստեղ ժողովրդագրական վիճակը կտրուկ փոխվելու է։ Հայաստանից հսկայան թվով արտագաղթ է լինելու։ Եվ Հայաստանի տարածքում ադրբեջանցիների թիվը ավելի մեծ է լինելու, քան հայերինը։ Ինչպե՞ս սա կարելի է կանխարգելել։ Պատասխանը հետևյալն է՝ պետական մակարդակով վտանգը գնահատելով»,-ասաց Հայկ Նահապետյանը։

Վահան Բաբայանի հարցին, թե ով պետք է ի պաշտոնե այդ ռիսկերը գնահատի, Հայկ Նահապետյանը պատասխանեց, որ Նիկոլ Փաշինյանի և նրա քաղաքական «խմբակի» համար չվերընտրվելը ամեն ինչով կորուստ է։ Նրանք հոգեբանորեն պատրաստ են ամեն ինչ անել, որպեսզի վերընտրվեն՝ անկախ նրանից՝ որ երկրին ինչ են զիջում։ Եվ նրանք պատրաստ են ամեն ինչ զիջել պետականից, պետությունից, հայրենիքից, ժողովրդից։ Իսկ ընդդիմության երևացող ուժերի համար, որոնք հավակնում են իշխանափոխության, չվերընտրվելը մահ չէ։ 

Նրա խոսքով՝ հունիսի 7-ին արվելու է գործողություն, որով Հայաստանն ամբողջությամբ տրվելու է թուրքին։ Փաշինյանին բերել են 4 խնդիր լուծելու համար՝ Արցախի հանձնում, թուրքական աշխարհի մեջ հայկական սեպի դուրսհանում (առայժմ այդ սեպը Սյունիքն է, բայց իրականում այն ամբողջ Հայաստանն է), ռուսական ներկայության՝ ի դեմս 102-րդ ռազմաբազայի և սահմանապահների, հեռացումը և Ռուսաստանի տնտեսական ներկայությունը հանելը, որից հետո Հայաստանն ամբողջությամբ դրվելու էր Թուրքիայի կառավարման ներքո։

«Հունիսի 7-ին որոշվելու է՝ Հայաստանը դառնո՞ւմ է թուրքական վիլայեթ, թե ոչ»,-եզրափակեց Հայկ Նահապետյանը։

Մանրամասն՝ տեսանյութում։