Գերմանիան չի պատրաստվում Taurus հրթիռներ մատակարարել Ուկրաինային

Գերմանիայի պաշտպանության նախարար Բորիս Պիստորիուսը հայտարարել է, որ Բեռլինը չի նախատեսում Ուկրաինային փոխանցել հեռահար Taurus հրթիռներ։ Deutschlandfunk ռադիոկայանին տված հարցազրույցում նա ընդգծել է, որ նման քայլը կարող է հանգեցնել հակամարտության էսկալացիայի։

«Taurus-ը չի լուծի և չի ավարտի այս պատերազմը», — նշել է Պիստորիուսը՝ հավելելով, որ Գերմանիան չպետք է նպաստի լարվածության աճին։

Ավելի վաղ հաղորդվել էր, որ Գերմանիան զգալիորեն կրճատել է Ուկրաինային զենքի մատակարարման թույլտվությունները, ինչպես նաև նվազեցրել է ռազմական արտադրանքի արտահանումը Կիև։