Լեհաստանի նախագահի գրասենյակից հափշտակվել է ավելի քան 140 հազար դոլար

Լեհաստանի նախագահ Կարոլ Նավրոցկիի կանցելարիայի դրամարկղից անհայտ անձինք գողացել են ավելի քան 500 հազար զլոտի, ինչը համարժեք է մոտ 141 հազար դոլարի։ Այս մասին հայտնում է Gazeta Wyborczaն՝ հղում անելով Վարշավայի շրջանային դատախազության ներկայացուցիչ Անտոնի Սկիբային։

Դատախազության տվյալներով՝ արդեն հարցաքննվել են առաջին վկաները, շարունակվում է վնասի ճշգրիտ չափի և հնարավոր տուժածների շրջանակի պարզումը։ Քննության գաղտնիության պատճառով մանրամասներ չեն հրապարակվում, սակայն մամուլի տեղեկություններով՝ գործին կարող են առնչություն ունենալ նախագահի կանցելարիայի մի քանի աշխատակիցներ։

Դեպքը լայն արձագանք է ստացել Լեհաստանում՝ քաղաքական լարվածության ֆոնին։ Ավելի վաղ Նավրոցկին ստորագրել էր օրենք, որով դադարեցվում են ուկրաինացի փախստականների հատուկ կարգավիճակն ու արտոնությունները, այդ թվում՝ անվճար բժշկական սպասարկումն ու բնակարանային աջակցությունը։