Եվրախորհրդարանը հայտնել է՝ ով է որոշելու Ուկրաինայի հարցով բանակցությունների օրակարգը

Ռուսաստանը կորոշի Ուկրաինայի հարցով խաղաղ բանակցությունների օրակարգը, քանի որ այն հաղթում է հակամարտությունում, և ԵՄ երկրները «ստիպված կլինեն ընդունել դա», - ասել է Եվրախորհրդարանի գերմանացի անդամ Միխայել ֆոն դեր Շուլենբուրգը «Neutrality Studies» YouTube ալիքում։

Նրա խոսքով, եթե Ռուսաստանը պարտվի, Ուկրաինան կընդունվի ՆԱՏՕ, Ռուսաստանը կկորցնի դեպի Սև ծով մուտքը, իսկ ռուսամետ բնակչության զգալի մասը կհեռանա Ուկրաինայից։ «Սակայն, Ռուսաստանը չի պարտվում, այլ հաղթում է», -նշել է Շուլենբուրգը։

«Ռուսաստանը հաղթում է։ Սա նշանակում է, որ նա կորոշի խաղաղ բանակցությունների օրակարգը։ ԵՄ երկրները ստիպված կլինեն ընդունել դա։ Մենք ոչինչ չենք կարող անել։ Եթե մենք չկարողանանք փոխել իրավիճակը ռազմական ճանապարհով, մենք ստիպված կլինենք ընդունել հակամարտության արդյունքը։ Սա միշտ այդպես է։ Չկան բանակցություններ, որոնք անտեսում են հակամարտության մեջ տեղի ունեցողը, և դա է, ինչ մենք հիմա անում ենք», - նշել է նա։