Ֆրանսիայի կառավարությունը Լուվրի թանգարանի նոր տնօրեն է նշանակել

Ֆրանսիայի կառավարությունը Լուվրի նոր ղեկավար է նշանակել Վերսալի պալատի տնօրեն Քրիստոֆ Լերիբոյին՝ աշխարհի ամենաշատ այցելվող թանգարանում առաջացած խնդիրները կարգավորելու նպատակով, հայտնում է Reuters-ը։

Մշակույթի նախարարության հայտարարության համաձայն՝ նոր տնօրենի առաջնահերթությունը կլինի շենքի, հավաքածուների և այցելուների անվտանգության ուժեղացումը, վստահության վերականգնումը և անհրաժեշտ բարեփոխումների իրականացումը։

62-ամյա Լերիբոն արվեստաբան է։ 2006–2012 թվականներին զբաղեցրել է Լուվրի գրաֆիկական արվեստի բաժնի փոխտնօրենի պաշտոնը։

Վերջին ամիսներին Լուվրը բախվել է նաև աշխատակիցների գործադուլների, ջրի արտահոսքի և տոմսերի խարդախության հետաքննության խնդիրներին։ Անցած տարի պետական աուդիտը կառավարմանն առաջարկել էր միջոցներ հատկացնել անվտանգության և ենթակառուցվածքների արդիականացմանը։