ԵՄ-ն նախատեսում է մինչև Զատիկ Ուկրաինային փոխանցել 90 միլիարդ եվրոյի վարկ

Եվրոպական միությունը մտադիր է մինչև Զատիկ Ուկրաինային տրամադրել 90 միլիարդ եվրոյի վարկ։ Այս մասին PBS News-ին տված հարցազրույցում հայտարարել է ԵՄ-ի ԱՄՆ-ում դեսպան Յովիտա Նելյուպշենեն՝ ընդգծելով, որ միջոցները կարևոր են ոչ միայն պաշտպանության, այլև ուկրաինական տնտեսության կայունության համար։

Սակայն փետրվարի 20-ին Հունգարիան արգելափակել էր այդ չափի վարկի տրամադրումը։ Հանրապետության արտաքին գործերի նախարար Պետեր Սիյարտո-ն հայտարարել էր, որ Բուդապեշտը չի աջակցի որոշմանը, քանի դեռ Կիևը չի վերսկսել ռուսական նավթի տարանցումը «Дружба» նավթատարով։

Ավելի վաղ՝ 2025 թվականի դեկտեմբերին, եվրոպական երկրների առաջնորդները սկզբունքորեն համաձայնել էին Ուկրաինային տրամադրել զրոյական տոկոսադրույքով վարկ՝ ֆինանսական շուկաներից ներգրավված միջոցների հաշվին, որոնք երաշխավորված են ԵՄ բյուջեով։ Միաժամանակ Հունգարիան, Չեխիան և Սլովակիան հայտարարել էին, որ իրավական առումով չեն մասնակցի այդ ֆինանսավորմանը։