Վիկտոր Օրբան. Հունգարիան զորքեր կտեղակայի էներգետիկ օբյեկտների մոտ

Հունգարիան զորքեր և ռազմական տեխնիկա կտեղակայի ռազմավարական էներգետիկ օբյեկտների հարևանությամբ՝ հնարավոր սպառնալիքներից պաշտպանվելու նպատակով։ Այս մասին հայտարարել է երկրի վարչապետ Վիկտոր Օրբանը՝ ընդգծելով, որ խոսքը վերաբերում է հիմնական էլեկտրակայաններին և էներգետիկ կառավարման կենտրոններին։

Օրբանի խոսքով՝ անվտանգության ուժերը կուժեղացնեն պարեկությունը էլեկտրակայանների և բաշխիչ կայանների շուրջ, իսկ Ուկրաինայի հետ սահմանակից տարածքներում կարգելվեն անօդաչու թռչող սարքերի թռիչքները։ Նա նշել է, որ միջոցները միտված են կանխելու հնարավոր հարձակումները և ապահովելու երկրի էներգետիկ կայունությունը։

Ավելի վաղ Օրբանը պատասխանել էր ԵՄ խորհրդի նախագահի՝ Անտոնիու Կոշտա-ի քննադատությանը՝ կապված Ուկրաինային բազմամիլիարդ վարկի տրամադրման հարցում Բուդապեշտի դիրքորոշման հետ։ Վարչապետը նշել էր, որ «Дружба» նավթատարով նավթի մատակարարումների վերականգնման համար տեխնիկական խոչընդոտներ չկան, և անհրաժեշտ է միայն քաղաքական որոշում Ուկրաինայի կողմից։