ԱՄՆ արդարադատության նախարարությանը մեղադրում են Թրամփի վերաբերյալ Էփշտեյնի փաստաթղթերը թաքցնելու մեջ

ԱՄՆ արդարադատության նախարարությունը, ըստ NPR-ի հրապարակման, չի հրապարակել  Էփշտեյնի գործի մի շարք փաստաթղթեր, որոնք առնչվում են ԱՄՆ նախագահ Դոնալդ Թրամփին։ Լրագրողական հետաքննության ընթացքում հայտնաբերվել են տասնյակ էջեր, որոնք, ենթադրաբար, գրանցված են եղել, սակայն չեն հրապարակվել նախարարության կողմից։

Նյութերի թվում են ավելի քան 50 էջի հարցաքննության արձանագրություններ, այդ թվում՝ Հետաքննությունների դաշնային բյուրոյի (FBI) զրույցները մի կնոջ հետ, որը տարիներ առաջ Թրամփին մեղադրել էր սեռական բռնության մեջ՝ նշելով, որ դեպքը տեղի է ունեցել, երբ ինքը անչափահաս է եղել։ Նախարարությունը հրաժարվել է մեկնաբանել հրապարակման բովանդակությունը՝ հայտարարելով, որ չհրապարակված փաստաթղթերը պարունակում են գաղտնի տվյալներ, կրկնօրինակներ են կամ առնչվում են ընթացիկ դաշնային քննությանը։

Հունվարի 30-ին ԱՄՆ արդարադատության նախարարությունը հրապարակել էր Էփշտեյնի գործի արխիվային նյութերի մի մասը, որտեղ ներառված էին նաև Թրամփի հասցեին հնչած մեղադրանքներ։ Սակայն մի քանի ժամ անց համապատասխան փաստաթուղթը անհետացել էր կայքից, իսկ ավելի ուշ հասանելիությունը վերականգնվել էր։