Վլադիմիր Զելենսկին արձագանքել է Ուկրաինային «միջուկային զենք փոխանցելու» մասին հայտարարություններին

Ուկրաինայի նախագահ Վլադիմիր Զելենսկին մեկնաբանել է Ռուսաստանի Արտաքին հետախուզության ծառայության հայտարարությունը, ըստ որի՝ Ֆրանսիան և Մեծ Բրիտանիան ծրագրում են Կիևին փոխանցել միջուկային զենք։ Ինչպես հաղորդում է УНИАН-ը, Զելենսկին այդ պնդումները անվանել է «քաղաքական ճնշման տարր» և բանակցային գործընթացի վրա ազդելու փորձ։

Նրա խոսքով՝ նման հայտարարությունները կարող են լինել նաև արձագանք Եվրոպայում քննարկվող «միջուկային վահանի» գաղափարին։ Զելենսկին ընդգծել է, որ Ուկրաինան միջուկային զենք չունի՝ հիշեցնելով, որ երկիրը նախկինում հրաժարվել է իր միջուկային զինանոցից։

Ավելի վաղ Ռուսաստանի Արտաքին հետախուզության ծառայությունը պնդել էր, թե Փարիզն ու Լոնդոնը կարող են քողարկել զենքի փոխանցումը որպես Ուկրաինայի սեփական մշակում։ Մոսկվան զգուշացրել է, որ նման քայլը կարող է լուրջ հետևանքներ ունենալ միջազգային անվտանգության համար։