Մակրոնը կներկայացնի Ֆրանսիայի նոր միջուկային քաղաքականության ծրագիրը՝ առանց եվրոպական համատեղ վերահսկողության

Ֆրանսիայի նախագահ Էմանուել Մակրոնը երկուշաբթի կներկայացնի երկրի միջուկային քաղաքականության արդիականացման ծրագիրը, որը բացառում է Եվրոպայի համատեղ վերահսկողությունը, սակայն մանրամասներ կներառի այն մասին, թե ինչ կարող է Ֆրանսիան առաջարկել դաշնակիցներին՝ հաշվի առնելով ԱՄՆ-ի միջուկային «պաշտպանության ցանցի» նկատմամբ կասկածները Դոնալդ Թրամփի նախագահության ընթացքում։

Ֆրանսիան պահպանում է փոքր, բայց վստահելի միջուկային զինանոց՝ նպատակ ունենալով կանխարգելել հնարավոր հակառակորդների առաջին հարվածը: Կառավարության տեսլականն ընդգծում է, որ միայն Ֆրանսիայի նախագահն է իրավասու միջուկային հարված հրամայել, իսկ ֆինանսավորումն ամբողջությամբ Ֆրանսիայի պատասխանատվությունն է: Մակրոնը ցանկանում է, որ եվրոպացի գործընկերները ավելի հստակ պատկերացնեն, թե ինչ կարող է ապահովել Ֆրանսիայի միջուկային զինանոցը՝ բացառելով ՆԱՏՕ-ի հետ մրցակցությունը: Այս մասին հայտնում է Reuters-ը։