Թոշակների բարձրացման մասին հայտարարության մեջ ժուլիկություն եմ տեսնում․ Սերժ Սարգսյան

Նվազագույն թոշակի մասին խոսողները չգիտեն՝ ովքեր են նվազագույն թոշակ ստանում։ Այս մասին այսօր լրագրողների հետ զրույցում ասել է ՀՀ 3–րդ նախագահ Սերժ Սարգսյանը՝ անդրադառնալով թոշակները 10 հազար դրամով բարձրացնելու իշխանությունների որոշմանը։

«Ես այդ հայտարարության մեջ էլ եմ ժուլիկություն տեսնում, բոլորը կստանա՞ն այդքան ավել, թե ոչ։ Միջին կենսաթոշակի չափի վրա նվազագույն ազդեցություն է ունենալու»,– ասել է նա։

Հարցին՝ արդյոք սա ընտրակաշա՞ռք է, 3–րդ նախագահն ասել է. «Ընտրությունները շատ վաղուց կեղծվում են, եթե մարդիկ ձերբակալվում են, եթե պետական միջոցները ծախսվում են այնպես, ոնց չէին ծախսվի ընտրական տարում, սրանք խախտումներ չե՞ն։ Շատ վաղուց մեր երկրում «յաշիկ» լցնել չկա»։

Նշենք, որ երեկ Նիկոլ Փաշինյանը հայտարարեց, որ ապրիլի 1–ից Հայաստանում թոշակներն ու նպաստները բարձրացվում են։