Մենք պատրաստ ենք Եվրոպայում ընդունելու բոլոր այն երկրներին, որոնք մեր արժեքները կրողներն են։ Այս մասին, այսօր՝ փետրվարի 26–ին, վարչապետ Նիկոլ Փաշինյանի հետ համատեղ հայտարարության ընթացքում ասել է Լեհաստանի վարչապետ Դոնալդ Տուսկը:
Նա պատմեց, որ երեկ Իսլանդիայի վարչապետի հետ է հանդիպել, և նրա հետ զրույցում նաև քննարկել են, թե ինչպես կարող են բացել Եվրոպայի ճանապարհը Հայաստանի քաղաքացիների համար. «Ես ուզում եմ հատուկ մատնանշել քո ջանքերը, որոնք ներկայացնում են հստակ այդ ուղին։ Մենք շատ զգուշությամբ, բայց նաև հստակորեն բաց ենք Եվրամիությունը ընդլայնելու համար, այն բոլոր երկրների համար, որոնք ընտրում են ժողովրդավարությունը, անկախությունը, խաղաղությունը։
Ես վստահ եմ, որ քո վարած քաղաքականությունը հենց այդ ճանապարհով է ընթանում, և ուզում եմ ևս մեկ անգամ քո մոտեցման համար խորը երախտագիտությունս հայտնել։
Մենք հավատում ենք, որ ռազմական համագործակցությունը, որը կտարվի մեր անվտանգության ոլորտում, ոչ միայն Հայաստանի համար կլինի բարենպաստ, այլ ամբողջ տարածաշրջանի։
Մենք շատ լավ ենք գիտակցում, թե որքան կարևոր է այդ հանգամանքը, գիտենք, որ մեր երկու երկրներն էլ, ինչպես նաև երկու վարչապետներս էլ հստակ գիտենք, թե ինչ անել, ինչպես անել, որպեսզի մենակ չլինենք, որպեսզի լինենք միասին, և որպեսզի կայունություն, անվտանգություն ապահովենք մեր երկրների համար։
Ուրախ եմ, որ ներկա պահին Հայաստանը գտնվում է այն կետում, որում գտնվում է, և կարծում եմ՝ կշարունակենք մեր համագործակցությունը»,–ասաց նա։
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
