Խաղաղությո՞ւն, թե՞ ընտրական աղմուկ։ Բանավեճ Բաքվի իրական մտադրությունների մասին (տեսանյութ)

Երևանում տեղի ունեցավ քննարկում «Արդյո՞ք Ադրբեջանը պատրաստ է իրական խաղաղության» թեմայով

Երևանում տեղի ունեցավ «Պատրա՞ստ է արդյոք Ադրբեջանը խաղաղության» խորագրով կլոր սեղան, որին մասնակցեցին հասարակական քաղաքական առաջնորդներ և քաղաքագետներ։

Փետրվարի 26-ին Euromedia24-ի մամուլի կենտրոնում տեղի ունեցավ «Պատրա՞ստ է արդյոք Ադրբեջանը խաղաղության» խորագրով կլոր սեղան։ Այն կազմակերպվել էր «Ո՛չ «Արևմտյան Ադրբեջանին»» հայկական ժողովրդական շարժման մասնակցությամբ։ Մասնագետներն ու հասարակական գործիչները քննարկեցին Բաքվի իրական մտադրությունները խաղաղության բանակցությունների և նրա շարունակական հայատյաց քաղաքականության համատեքստում։

Քննարկմանը մասնակցեցին «Ո՛չ «Արևմտյան Ադրբեջանին»» հայկական ժողովրդական շարժման առաջնորդ, «Դեմոկրատական այլընտրանք» կուսակցության նախագահ և քաղաքագետ Սուրեն Սուրենյանցը, «Ազգային անվտանգություն» կուսակցության առաջնորդ Գառնիկ Իսագուլյանը, «Հանուն սոցիալական արդարության» կուսակցության նախագահ և քաղաքագետ Արման Ղուկասյանը և «Հայաքվե» նախաձեռնության քաղաքական խորհրդի անդամ Մենուա Սողոմոնյանը։ Մասնակիցները նշեցին, որ պաշտոնական Բաքուն շարունակում է օգտագործել հայատյաց հռետորաբանություն, և որ խաղաղության նախաձեռնությունները օգտագործվում են որպես քողարկում՝ Հայաստանի վրա ճնշման նոր փուլ նախապատրաստելու համար։

Մենուա Սողոմոնյանն այս համատեքստում ասաց, խաղաղության նախապայմաններից մեկը ընկալումների սինխրոնացումն է, երբ սկսում են իրար ոչ թե որպես թշնամի, այլ որպես մրցակից կամ բարեկամ ընկալել։ Հայաստանում անում են ամեն ինչ, որպեսզի հակառակորդի՝ որպես թշնամի ընկալումը չլինի, իսկ Ադրբեջանում անում են ճիշտ հակառակը։ Սա ավելի կարևոր պայման է, քան տնտեսական կապերը կամ ուժային բալանսը։ Բայց ալիևյան դիկտատուրայի պայմաններում դժվար է ակնկալել նման վերաբերմունք։ Մեր իշխանությունը խաղաղություն ասելով՝ ի նկատի ունի ոչ թե հավասար պայմաններով խաղաղություն, այլ պարզապես մեկի պարտադրանքը մյուսի նկատմամբ, որտեղ Ադրբեջանը հանդես է գալիս՝ որպես պարտադրող։

Այսօր միջազգային կազմակերպություները չեն աշխատում, որպեսզի հարթակ ստեղծեն երկխոսելու համար։ Խաղաղություն տնտեսության փոխկախվածության հիմքով լինում է այն ժամանակ, երբ որ երկու երկրների տնտեսությունները նշանակալիոերն են կախված մեկը մյուսից։ Մեր դեպքում ախշատում է ռեալիզիմի գործոնը, այսինքն՝ հեգեմոնիկ կայությունը։ Երբ որ տարածաշրջանում մեկ հեգեմոն է լինում, նա կարգուկանոն է մտցնում։

«Այսօր մեր տարածաշրջանում մեկ հեգեմոն չկա։ Եվ դրա մեջ իր մեղավորությունն ունի մեր իշխանությունը։ Մի քանի հեգեմոններ, ովքեր կռվում են մեր տարածաշրջանում, իշխանության պատճառով՝ մենք ստիպված ենք լինելու կանգնել ընտրության առաջ»,-մասնավորապես ասաց Մենուա Սողոմոնյանը։

Հաջորդ կարևոր պայմանը զսպումն է, որ կարողանաս հակառակորդին շատ ծանր հարված հասցնել։ Եվ մյուս գործոնը ուժային հավասարությունն է, որ կարողանաս մի երկրի հետ կառուցել այնպիսի դաշինք, որը կկարողանա ճնշել թուրք-ադրբեջանական տանդեմը։

Նրա խոսքով՝ պայմանագիրն այնպիսի բան է, որ ցանկացած պահի կարելի է դեն նետել և սկսել ռազմական գործողությունները, եթե բալանսները փոխվեն։ 

Նա հավելեց, որ իր կանխատեսմամբ՝ մինչև ընտրություններ խաղաղության պայմանագիր չի լինի, քանի որ դրանով կորչում է Նիկոլ Փաշինյանի վերընտրվելու իմաստը։ Ինչպես կոնֆետ՝ այդ թուղթը ցույց կտան, որ ասեն՝ եկեք ընտրեք Փաշինյանին, որ խաղաղություն լինի։ Որովհետև այսօրվա ՀՀ արտաքին քաղաքականությունն ամբողջությամբ տեղավորվում է նախընտրական տրամաբանության մեջ։ Եվ անգամ այդ ոչ այնքան էական փաստաթղթի առկայության դեպքում Ալիևը գործ ունի այնպիսի մի ապաշնորհ ղեկավարի հետ, որ չի ցանկանա այս պահի իր հաղթական իրավիչակը ֆիքսել։ Պետք է այդ փաստաթղթով ընտրել տա Փաշինյանին, որպեսզի հետագայում հերթով իրագործի իր ծրագրերը։  

«Երբ որ ներքին համերաշխություն չունենք, ոչ խաղաղություն կունենանք, ոչ էլ անվտանգություն»,-եզրափակեց Մենուա Սողոմոնյանը։

Մանրամասն՝ տեսանյութում։