Բուդանովը պատասխանել է նախագահական ընտրություններին մասնակցելու հարցին

Ուկրաինայի նախագահի գրասենյակի ղեկավար Կիրիլ Բուդանովը հայտարարել է, որ ներկայիս պայմաններում նախագահական ընտրությունների մասին խոսելը անիմաստ է։ Նա այսպես է պատասխանել իր հնարավոր թեկնածության վերաբերյալ հարցին՝ լիբանանյան Al Modon պարբերականին տված հարցազրույցում։

Լրագրողը հետաքրքրվել էր՝ հնարավո՞ր է արդյոք ընտրությունների անցկացումը 60-օրյա հրադադարի պայմաններում և պատրաստվո՞ւմ է Բուդանովը առաջադրվել, եթե քվեարկություն տեղի ունենա։ Ի պատասխան՝ նա նշել է, որ իր առաջնային խնդիրն այժմ արդյունավետ բանակցային գործընթացի կազմակերպումն է և ոչ թե ընտրական թեմաների քննարկումը։

Ավելի վաղ Գերագույն ռադայի պատգամավոր Սերգեյ Նագորյակը կարծիք էր հայտնել, որ 2026 թվականին Ուկրաինայում թե՛ խորհրդարանական, թե՛ նախագահական ընտրությունների անցկացումը քիչ հավանական է ներկայիս իրավիճակում։