Ուկրաինան «դելիկատ» է անվանել ԱՄՆ-ի հետ դրոնների վաճառքի շուրջ բանակցությունները

Ուկրաինայում ԱՄՆ-ի հետ դրոններ վաճառելու վերաբերյալ բանակցությունները բնութագրվել են որպես «դելիկատ»։ Այդ մասին գրում է The Financial Times-ը՝ հղում անելով ուկրաինական պաշտոնյային։

Պարբերականի տվյալներով՝ Պենտագոնը նաև Պարսից ծոցի մի երկրի կառավարության հետ բանակցություններ է վարում Կիևից դրոն-խափանիչներ ձեռք բերելու շուրջ։ Նշվում է, որ նման տեխնոլոգիաները կարող են դառնալ ավելի մատչելի այլընտրանք հակաօդային պաշտպանության համար, քանի որ Patriot համակարգերի համար նախատեսված հրթիռների պաշարները աստիճանաբար նվազում են։

Ուկրաինացի պաշտոնյան ընդգծել է, որ նման համակարգերի վաճառքը՝ նույնիսկ եթե դրանք արտադրված են երկրի սահմաններից դուրս, պետք է իրականացվի Կիևի հետ համաձայնեցմամբ։ Ավելի վաղ Ուկրաինայի նախագահ Վլադիմիր Զելենսկին հայտարարել էր, որ պատրաստ է աջակցել Մերձավոր Արևելքի երկրներին՝ իրանական դրոնների դեմ պայքարում և այնտեղ ուղարկել ուկրաինացի մասնագետների։