Եվրոպան մտահոգված է ռուսական գազի մատակարարման դադարեցմամբ․ Focus

Գերմանիան մտահոգված է Մերձավոր Արևելքում հակամարտության ֆոնին ռուսական գազի մատակարարման հնարավոր դադարեցմամբ, գրում է Focus ամսագիրը։

Հրապարակման հեղինակները նշում են, որ ռուսական գազի մատակարարման դադարեցումը կարող է էլ ավելի վատթարացնել իրավիճակը եվրոպական գազի շուկայում՝ հանգեցնելով էներգակիրների գների բարձրացման։ Ավելին, կարող են աճել սննդի և ջեռուցման ծախսերը։

Մարտի 5-ին Ռուսաստանի նախագահ Վլադիմիր Պուտինը VGTRK-ի լրագրող Պավել Զարուբինի հետ հարցազրույցում հայտարարել է, որ Ռուսաստանը կարող է վաղաժամկետ դադարեցնել գազի մատակարարումը ԵՄ շուկաներ և վերակողմնորոշվել ավելի շահավետ գնորդների վրա։

Պետության ղեկավարը հիշեցրել է, որ Եվրամիությունը նախատեսում է մեկ ամսից սահմանափակումներ մտցնել ռուսական գազի, այդ թվում՝ հեղուկ գազի գնման վրա, և 2027 թվականին էլ ավելի սահմանափակել մատակարարումները՝ մինչև լիակատար արգելք։

Նա նշել է, որ նման քայլը «քաղաքական դրդապատճառ չի ունենա»։