ԱՄՆ-ն գնահատել է Իրանի դեմ պատերազմի արժեքը

Պենտագոնը գնահատել է, որ Իրանի դեմ ԱՄՆ ռազմական գործողության արժեքը կարող է հասնել օրական 1 միլիարդ դոլարի։ Այս մասին սոցիալական ցանցերում հայտնել է The Atlantic-ի լրագրող Նենսի Յուսեֆը՝ հղում անելով Կոնգրեսի ներկայացուցչին։

«ԱՄՆ ռազմական նախարարության նախնական գնահատականների համաձայն՝ Իրանում պատերազմի յուրաքանչյուր օրը բյուջեին արժենում է 1 միլիարդ դոլար», - գրել է նա։

Anadolu News Agency-ի տվյալներով՝ ԱՄՆ-ն Epic Fury գործողության առաջին 24 ժամվա ընթացքում, հնարավոր է, ծախսել է մոտ 779 միլիոն դոլար։ Նախնական ռազմական հզորությունը, ներառյալ օդուժի վերաբաշխումը, տասնյակից ավելի ռազմածովային նավերի տեղակայումը և տարածաշրջանային ուժերի մոբիլիզացիան, արժեցել են լրացուցիչ 630 միլիոն դոլար։