Արևմուտքում հայտնում են․ ԱՄՆ-ը տարիներ շարունակ պատրաստվել է ոչնչացնել Իրանի С-300 համակարգերը

ԱՄՆ-ը և ՆԱՏՕ-ի մյուս երկրները երկար տարիներ պատրաստվել են Իրանի հակաօդային պաշտպանության С-300 համակարգերը հաղթահարելու և ոչնչացնելու գործողություններին։ Այդ մասին գրում է Military Watch Magazine-ը՝ անդրադառնալով Իրանի պաշտպանական համակարգերի շուրջ արևմտյան երկրների ուսումնասիրություններին։

Հրապարակման համաձայն՝ Իրանը իր օդային տարածքը պաշտպանելու համար տեղակայել է մի քանի համակարգեր՝ ներառյալ Bavar-373, Khordad-15 և ռուսական արտադրության С-300ПМУ2 զենիթահրթիռային համակարգերը։ Սակայն, ըստ պարբերականի, ԱՄՆ-ը, Իսրայելը և ՆԱՏՕ-ի այլ երկրներ երկար տարիներ ուսումնասիրել են այդ համակարգերի հնարավորությունները՝ դրանց պաշտպանությունը հաղթահարելու նպատակով։

Նշվում է, որ ՆԱՏՕ-ի երկրները հասանելիություն են ստացել С-300 համակարգերին դեռևս 1990-ականներին՝ Վարշավյան պայմանագրի երկրների զինանոցից, իսկ ավելի ուշ նման համակարգեր հայտնվել են նաև Ուկրաինայում և Հունաստանում։ Ըստ հոդվածի՝ արևմտյան մասնագետները նաև տվյալներ են հավաքել դրանց աշխատանքի մասին Ուկրաինայի պատերազմական գործողությունների ընթացքում։