Լուկաշենկոն հայտարարել է, որ Բելառուսը ուրախ է ընդունել Ուզբեկստանից եկող աշխատավորներին

Բելառուսի նախագահ Ալեքսանդր Լուկաշենկոն հայտարարել է, որ իր երկիրը պատրաստ է ընդունել աշխատելու ցանկություն ունեցող միգրանտներին Ուզբեկստանից։ Այս մասին նա ասել է Բելառուսում Ուզբեկստանի դեսպան Ռահմաթուլլա Նազարովի հետ հանդիպման ժամանակ, հայտնում է ԲելՏԱ գործակալությունը։

Լուկաշենկոյի խոսքով՝ Բելառուսում արդեն ապրում և աշխատում են բազմաթիվ ուզբեկներ, և երկիրը բարձր է գնահատում նրանց աշխատասիրությունը։ Նա ընդգծել է, որ միգրանտների նկատմամբ երկրում կան խիստ կանոններ, սակայն դա օգնում է ապահովել արդար մրցակցություն աշխատաշուկայում։ «Ուզբեկ աշխատասեր մարդկանց մենք միշտ ուրախությամբ կընդունենք, եթե նրանք ցանկանան գալ և աշխատել այստեղ», — նշել է Բելառուսի առաջնորդը։

Նա նաև հիշեցրել է, որ Երկրորդ համաշխարհային պատերազմի տարիներին բազմաթիվ բելառուսներ ապաստան և աջակցություն էին ստացել Ուզբեկստանում։ Լուկաշենկոյի խոսքով՝ այդ պատճառով բելառուսները որոշ չափով պարտք են զգում ուզբեկ ժողովրդի նկատմամբ, թեև այն ժամանակ երկուսն էլ գտնվում էին նույն պետության կազմում։