Եվրահանձնաժողովը չի հաստատել Օրբանի նամակը ռուսական էներգակիրների նկատմամբ պատժամիջոցների մասին

Եվրահանձնաժողովը հայտարարել է, որ դեռ չի կարող հաստատել՝ ստացել է արդյոք Հունգարիայի վարչապետ Վիկտոր Օրբանի նամակը, որով առաջարկվում է դադարեցնել Ռուսաստանի նավթի և գազի նկատմամբ սահմանված բոլոր պատժամիջոցները։ Այդ մասին լրագրողների հարցին պատասխանել է Եվրահանձնաժողովի ներկայացուցիչ Աննա-Կայզա Իտկոնենը, հայտնում է РИА Новости-ն։

Նրա խոսքով՝ ինքը նույնպես տեսել է այդ տեղեկությունները լրատվամիջոցներում, սակայն անհրաժեշտ է ստուգել՝ արդյոք նման նամակ իսկապես հասե՞լ է Եվրահանձնաժողով։ Ավելի վաղ Օրբանը հայտարարել էր, որ նամակ է ուղարկել Եվրահանձնաժողովի նախագահ Ուրսուլա ֆոն դեր Լայենին՝ կոչ անելով անհապաղ վերանայել և դադարեցնել Ռուսաստանի էներգետիկայի դեմ կիրառվող պատժամիջոցները։

Հունգարիայի արտաքին գործերի նախարար Պետեր Սիյարտոն էլ նշել էր, որ սահմանափակումների պահպանման դեպքում եվրոպական տնտեսությունը կարող է լուրջ հարված ստանալ։ Միևնույն ժամանակ Ռուսաստանի նախագահ Վլադիմիր Պուտինը հայտարարել էր, որ Մոսկվան կարող է ցանկացած պահի դադարեցնել գազի մատակարարումները Եվրոպա, քանի որ ԵՄ երկրները նախատեսում են առաջիկայում սահմանափակել ռուսական գազի գնումը։