Զելենսկին առաջարկում է Ուկրաինայում տեղակայել ԱՄՆ և եվրոպական ռազմական բազաներ

Ուկրաինայի նախագահ Վլադիմիր Զելենսկին հայտարարել է, որ երկրի անվտանգության երաշխիքների շրջանակում հնարավոր է Ուկրաինայի տարածքում տեղակայել ԱՄՆ-ի և եվրոպական երկրների ռազմական բազաներ։ Այս մասին հայտնում է Страна.ua-ն՝ հղում անելով նախագահի հայտարարություններին։

Զելենսկու խոսքով՝ Ուկրաինային անհրաժեշտ են հուսալի հակաօդային պաշտպանության համակարգեր՝ անվտանգությունը ապահովելու համար։ Նա ընդգծել է, որ չի հավատում, թե Ռուսաստանը չի փորձի կրկին հարձակվել, սակայն ԱՄՆ կամ համատեղ ամերիկա-եվրոպական ռազմական բազաների առկայությունը կարող է զգալիորեն նվազեցնել նման ռիսկերը։

Նախագահը նաև նշել է, որ երկիրը մտնում է բարդ փուլ, որը կարող է շարունակվել մինչև սեպտեմբեր։ Նրա գնահատմամբ՝ իրավիճակի սրման հիմնական պատճառներն են ռազմաճակատում ռուսական զինված ուժերի ճնշման ուժեղացումը և օգոստոսին բանակցային գործընթացից ԱՄՆ-ի հնարավոր դուրս գալու հավանականությունը։