Զելենսկուն այլևս չեն ներկայացվում սոցցանցերի արձագանքները․ փոփոխություններ նախագահի գրասենյակում

Ուկրաինայի նախագահի գրասենյակում տեղի ունեցած փոփոխություններից հետո նախագահ Վլադիմիր Զելենսկուն այլևս չեն ներկայացվում սոցիալական ցանցերում հրապարակումների արձագանքները՝ ներառյալ «լայքերը»։ Այս մասին հայտնում է РБК-Украина-ն՝ հղում անելով իր աղբյուրներին։

Ըստ հրապարակման՝ նորանշանակ ղեկավար Կիրիլ Բուդանով-ի օրոք փոխվել է աշխատանքային մթնոլորտը և կորպորատիվ մշակույթը։ Աղբյուրի խոսքով՝ այժմ նախագահի ուշադրությունը չի շեղվում սոցիալական ցանցերի արձագանքներով, իսկ գրասենյակի աշխատանքը կենտրոնացվել է ավելի գործնական և համակարգված ուղղությունների վրա։

Նշվում է, որ Բուդանովը իր գործունեության մեջ առաջնահերթություն է տվել արդյունավետության բարձրացմանը և որոշումների կայացման գործընթացում գրասենյակի դերակատարության նվազեցմանը։ Ավելի վաղ նա հայտարարել էր, որ իր հիմնական նպատակը արդյունավետ բանակցային գործընթացի ձևավորումն է՝ ընդգծելով, որ ներկայիս բարդ իրավիճակը պահանջում է կենտրոնանալ առաջնային խնդիրների վրա և համագործակցել դաշնակիցների հետ։