Թրամփը փոխել է ԱՄՆ քաղաքականությունը Չինաստանի նկատմամբ

ԱՄՆ նախագահ Դոնալդ Թրամփ-ի վարչակազմը մեղմացրել է Չինաստանի նկատմամբ քաղաքականությունը՝ նրա և Չինաստանի նախագահ Սի Ծինփին-ի հանդիպումից հետո։ Այս մասին հայտնում է The Wall Street Journal-ը։

Պարբերականի տվյալներով՝ ավելի վաղ մշակված պաշտպանական ռազմավարության նախագծում Չինաստանը ներկայացվում էր որպես ԱՄՆ-ի անվտանգության գլխավոր սպառնալիք, սակայն Թրամփը դեմ է հանդես եկել այդ ձևակերպմանը և հանձնարարել է վերանայել փաստաթուղթը։ Արդյունքում 2026 թվականի հունվարին հրապարակված նոր ռազմավարության մեջ ընտրվել է ավելի մեղմ և հաշտեցնող ձևակերպում Պեկինի նկատմամբ։

Բացի այդ, Վաշինգտոնը ժամանակավորապես դադարեցրել է բարձր մաքսատուրքերի կիրառումը, հրաժարվել է որոշ չինական ընկերությունների դեմ պատժամիջոցների ծրագրերից և հանձնարարել է պաշտոնյաներին մեղմեցնել հռետորաբանությունը Չինաստանի վերաբերյալ։ Այս փոփոխությունները դիտարկվում են որպես ԱՄՆ քաղաքականության էական վերանայում Պեկինի նկատմամբ։