Պենտագոն. Ուկրաինայի աջակցությունը չպետք է կախված լինի միայն ԱՄՆ-ից
ԱՄՆ
ԱՄՆ պաշտպանության նախարարության քաղաքական հարցերով փոխնախարար Էլբրիջ Քոլբին հայտարարել է, որ Ուկրաինային աջակցությունը չպետք է հիմնված լինի միայն Միացյալ Նահանգների վրա։ Նրա խոսքերը փոխանցում է Politico-ն՝ ընդգծելով, որ Վաշինգտոնի գործընկերները պետք է ավելի ակտիվ դեր ստանձնեն։
Քոլբիի խոսքով՝ մինչ այժմ ԱՄՆ-ի աջակցությունը իրականացվել է սահմանափակ ռեսուրսների հաշվին, սակայն այդ մոտեցումը այլևս արդյունավետ չէ։ Նա նշել է, որ Եվրոպան պետք է ստանձնի ավելի մեծ պատասխանատվություն սեփական անվտանգության համար՝ դա անվանելով ոչ թե ընտրություն, այլ ռազմավարական անհրաժեշտություն։
Պաշտոնյան նաև կոչ է արել ԱՄՆ դաշնակիցներին ավելացնել պաշտպանական ծախսերը և զարգացնել զենքի արտադրությունը։ Միևնույն ժամանակ ՆԱՏՕ-ի գլխավոր քարտուղար Մարկ Ռյուտեն հայտարարել էր, որ աշխարհին անհրաժեշտ է ավելի ուժեղ Եվրոպա՝ ավելի ամուր դաշինքի շրջանակում։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
