ԱՄՆ-ը պահպանում է A-10 գրոհիչները՝ Իրանի հետ լարվածության ֆոնին

ԱՄՆ ռազմաօդային ուժերը որոշել են չհրաժարվել A-10 Thunderbolt II գրոհիչներից և պահպանել դրանք զինանոցում մինչև 2030 թվականը։ Այս մասին հայտնում է Air Force Times-ը՝ նշելով, որ նախկինում նախատեսվում էր ամբողջությամբ դուրս բերել այս ինքնաթիռները շահագործումից մինչև 2029 թվականը։

ԱՄՆ ռազմաօդային ուժերի նախարար Թրոյ Մայնկի խոսքով՝ այս քայլը թույլ կտա պահպանել ռազմական կարողությունները, մինչ նոր սերնդի ավիացիայի արտադրությունը դեռևս զարգանում է։ Միևնույն ժամանակ ընդգծվում է, որ որոշումը պայմանավորված է նաև վերջին գործողություններում A-10-ների ակտիվ կիրառմամբ։

Հաղորդվում է, որ այս գրոհիչները օգտագործվել են Իրանի ուղղությամբ գործողությունների ընթացքում՝ ապահովելով ցամաքային ուժերի աջակցություն և կատարելով առաջադրանքներ Հորմուզի նեղուցի շրջանում։ Սա ևս մեկ անգամ ցույց է տալիս, որ «Բորոդավոչնիկ» անվամբ հայտնի ինքնաթիռները շարունակում են մնալ կարևոր դերակատար ժամանակակից ռազմական գործողություններում։