Ռուբեն Վարդանյանի գործը ստացել է գրանցման համար և կքննարկվի ՄԻԵԴ-ում․ փաստաբան

Ռուբեն Վարդանյանի գործով ՄԻԵԴ-ում ներկայացված դիմումն արդեն ստացել է գրանցման համար և կքննարկվի դատարանում։ Դիմումը ներկայացվել է հուլիսի 19-ին և ներառում է Մարդու իրավունքների եվրոպական կոնվենցիայի ութ հոդվածների ենթադրյալ խախտումներ։ 

Վարդանյանի շահերի ներկայացուցիչ Սիրանուշ Սահակյանի խոսքով՝ Բաքվի դատարանի փետրվարի 17-ի դատավճռում առկա են լուրջ իրավական խնդիրներ։ Վարդանյանը դատապարտվել է 20 տարվա ազատազրկման և, ըստ հրապարակված տեղեկությունների, մեղավոր է ճանաչվել 41 դրվագով՝ 21 հոդվածներով։ 

Սահակյանի գնահատմամբ՝ մեղադրանքներում ներառվել են նաև Վարդանյանի քաղաքացիական, բիզնես և բարեգործական գործունեությանը վերաբերող գործողություններ, որոնք, ըստ պաշտպանության, ներկայացվել են որպես հանցավոր գործունեություն։ 

ՄԻԵԴ դիմումով պաշտպանական կողմը փորձում է վիճարկել Վարդանյանի իրավունքների խախտումները միջազգային իրավական հարթակում։