Ֆեդորովի համար Ուկրաինայում նոր պաշտոն են գտել

Ուկրաինայի նախարարների կաբինետը Կիևի վերահսկողության տակ գտնվող Զապորոժիեի մարզային ռազմական վարչակազմի ղեկավար Իվան Ֆեդորովին նշանակել է Ուկրաինայի վերականգնման և ենթակառուցվածքների զարգացման գործակալության ղեկավար։ Այս մասին Telegram-ում հայտնել է Գերագույն ռադայում կառավարության ներկայացուցիչ Տարաս Մելնիչուկը։

Կառավարության առանձին որոշմամբ Ֆեդորովն ազատվել է Զապորոժիեի մարզային ռազմական վարչակազմի ղեկավարի պաշտոնից։ Մարզային վարչակազմի նոր ղեկավարի նշանակման մասին որոշումը պետք է ընդունի Ուկրաինայի նախագահ Վլադիմիր Զելենսկին։

Ֆեդորովը Զապորոժիեի մարզային ռազմական վարչակազմը ղեկավարում էր 2024 թվականի փետրվարից։ Նոր պաշտոնում նա կփոխարինի Սերգեյ Սուխոմլինին, որը վերականգնման գործակալությունը ղեկավարում էր 2024 թվականի սեպտեմբերից։