Ռումինիայում ՌԴ դեսպանը հերքել է անօդաչուի միջադեպին Ռուսաստանի մասնակցության մասին մեղադրանքները

Ռումինիայում Ռուսաստանի դեսպան Վլադիմիր Լիպաևը հերքել է Լայպցիգի օդանավակայանում անօդաչու թռչող սարքի հետ կապված միջադեպին Մոսկվայի հնարավոր մասնակցության վերաբերյալ մեղադրանքները։ Այս մասին հայտնել է Ռումինիայում ՌԴ դեսպանատան մամուլի ծառայությունը։

Սեպտեմբերի 3-ին Լիպաևը կանչվել է Ռումինիայի ԱԳՆ, որտեղ նրան ներկայացվել են գերմանական կողմի մեղադրանքները՝ Լայպցիգի օդանավակայանի միջադեպին Ռուսաստանի հնարավոր առնչության վերաբերյալ։ Դեսպանը դրանք անվանել է «անհիմն և անհեթեթ»՝ հայտարարելով, որ Ռուսաստանի մասնակցության ապացույցներ չեն ներկայացվել։

Լայպցիգի ոստիկանությունը դեռ օգոստոսի 5-ին հայտնել էր, որ օդանավակայանի աշխատակիցներից մեկը բեռնափոխադրումների անվտանգության գոտում պայթուցիկով ԱԹՍ է հայտնաբերել։ Գերմանական կողմը միջադեպի պատասխանատվությունը վերագրել է Ռուսաստանին, մինչդեռ Մոսկվան հերքել է մեղադրանքները և տեղի ունեցածն անվանել «սադրանք»։

Ռումինիայի ԱԳՆ-ում հանդիպման ժամանակ քննարկվել են նաև Ուկրաինայում իրականացված հարվածները, այդ թվում՝ սեպտեմբերի 1-ին «Օրլովկա» անցակետի վրա հարձակումը։ Լիպաևը հայտարարել է, որ ռուսական կողմը մերժում է այդ կապակցությամբ ներկայացված մեղադրանքները։