Եվրահանձնաժողովի ներկայացուցիչը շփոթել է Ռուսաստանի դեմ ընդունված պատժամիջոցների փաթեթների թիվը

Եվրահանձնաժողովի ներկայացուցիչ Օլոֆ Գիլը ճեպազրույցի ժամանակ սխալմամբ հայտարարել է, որ Եվրամիությունն արդեն Ռուսաստանի դեմ պատժամիջոցների 22 փաթեթ է ընդունել։

«Այս պահին ընդունվել է պատժամիջոցների 22 փաթեթ։ Դրանք ուղղված են Ռուսաստանի տնտեսությանը հարվածելուն և նրա ռազմական կարողությունները թուլացնելուն»,- հայտարարել է Գիլը։

Ավելի ուշ նա ուղղել է իր խոսքը՝ նշելով, որ իրականում ընդունվել է 21 փաթեթ, իսկ 22-րդը դեռ մշակման փուլում է և պաշտոնապես չի ներկայացվել։

«Ուզում եմ ճշտել՝ մենք ընդունել ենք պատժամիջոցների 21 փաթեթ, ոչ թե 22, ինչպես քիչ առաջ ասացի։ Ներողություն եմ խնդրում, դեռ վերադառնում եմ աշխատանքային ռեժիմի»,- ասել է Եվրահանձնաժողովի ներկայացուցիչը։