ԱՄՆ-ը սկսում է հրաժարվել Ռուսաստանին «ռազմավարական պարտության» հասցնելու գաղափարից․ ՌԴ Պետդումա

ԱՄՆ-ը սկսել է ավելի իրատեսորեն գնահատել իրավիճակը և աստիճանաբար հրաժարվել Ռուսաստանին «ռազմավարական պարտության» հասցնելու գաղափարից։ Նման կարծիք է հայտնել ՌԴ Պետդումայի միջազգային հարցերով հանձնաժողովի նախագահի առաջին տեղակալ Ալեքսեյ Չեպան։

Պատգամավորի խոսքով՝ այդ մասին կարող է վկայել Վաշինգտոնի՝ ուկրաինական հակամարտության կարգավորման հարցում միջնորդական դերակատարության վերսկսումը և երկարաժամկետ ու կայուն խաղաղության մասին հայտարարությունները։ Նա նշել է, որ հնարավոր «խաղաղության փաթեթի» առանցքային պայմանների թվում կարող են լինել հրադադարը, հիմնական հարցերի շուրջ պայմանավորվածությունները, սահմանների հարցն ու անվտանգության երաշխիքները։

Չեպայի կարծիքով՝ Եվրոպան ևս պետք է մասնակցի կարգավորման գործընթացին՝ հրաժարվելով Ուկրաինա զորքեր ուղարկելու գաղափարից։ Միաժամանակ նա նշել է, որ ինչպես եվրոպական երկրների, այնպես էլ Վաշինգտոնի հետագա դիրքորոշումը շարունակում է անկանխատեսելի մնալ։

Սեպտեմբերի 5-ին Կրեմլում Վլադիմիր Պուտինը հանդիպել էր ԱՄՆ նախագահի հատուկ բանագնաց Սթիվ Ուիթքոֆի և Ջարեդ Քուշների հետ։ Հաջորդ օրը ամերիկացի բանակցողները մեկնել էին Կիև, որտեղ շարունակվել էին Ուկրաինայի կարգավորման շուրջ քննարկումները։