Ո՞ր մթերքներն են օգնում պայքարել աշնանային տրամադրության անկման դեմ․ մասնագետը ներկայացրել է ցանկը
Հասարակություն
Աշնանը արևի լույսի նվազման և օրվա ռեժիմի փոփոխության պատճառով որոշ մարդկանց մոտ կարող են նվազել տրամադրությունն ու էներգիան։ Սննդի և ակտիվ երկարակեցության փորձագետ, կենսատեխնոլոգ Ելենա Ժելյանինան նշել է, թե որ մթերքները կարող են օգտակար լինել այս շրջանում։
Մասնագետի խոսքով՝ սննդակարգում կարելի է ներառել ամբողջական հացահատիկից պատրաստված մակարոնեղեն, որը նպաստում է հագեցվածության զգացման պահպանմանը և օրգանիզմն ապահովում էներգիայով։ Նա նաև խորհուրդ է տվել օգտագործել սաղմոն, սկումբրիա և ծովատառեխ, որոնք օմեգա-3 ճարպաթթուների աղբյուր են և օգտակար են նյարդային համակարգի բնականոն աշխատանքի համար։
Ժելյանինան առանձնացրել է նաև ընկույզը, նուշն ու պնդուկը, որոնք պարունակում են մագնեզիում, վիտամին E և օգտակար ճարպեր։ Կանաչեղենը՝ սպանախը, մաղադանոսն ու ռուկոլան, հարուստ է ֆոլատներով և մագնեզիումով։ Մասնագետի խոսքով՝ չափավոր քանակությամբ մուգ շոկոլադը ևս կարող է նպաստել տրամադրության բարելավմանը։
Միաժամանակ նա ընդգծել է, որ հուզական վիճակի վրա ազդում է ոչ միայն սնունդը, այլև բավարար քունը, ֆիզիկական ակտիվությունը, ցերեկային լույսն ու շփումը։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
