Մելանիա Թրամփը խոսել է Սպիտակ տան պատմական ժառանգությունը պահպանելու կարևորության մասին

ԱՄՆ առաջին տիկին Մելանիա Թրամփը հայտարարել է, որ Սպիտակ տանը կատարվող փոփոխությունները պետք է հաշվի առնեն շենքի պատմական ժառանգությունը և այն, թե ինչ է փոխանցվելու ապագա սերունդներին։ Նա ելույթ է ունեցել Սպիտակ տան պատմական ասոցիացիայի ամենամյա համաժողովի մասնակիցների առջև՝ նորացված Վարդերի այգում։

«Սպիտակ տունը Ամերիկայի ճարտարապետական ինքնակենսագրությունն է։ Մեր պարտքն է ապահովել, որ այսօր ընդունվող որոշումները արժանի լինեն այն ժառանգությանը, որը փոխանցելու ենք ապագա սերունդներին»,- ասել է առաջին տիկինը։

CNN-ը ուշադրություն է հրավիրում այն հանգամանքի վրա, որ հայտարարությունը հնչել է Սպիտակ տան տարածքում Դոնալդ Թրամփի նախաձեռնած լայնածավալ վերակառուցումների ֆոնին։ Դրանց թվում են Վարդերի այգու փոփոխությունները, նոր ուղղաթիռային հարթակը և մոտ 8,4 հազար քառակուսի մետր մակերեսով հանդիսությունների սրահի կառուցումը։ Մելանիա Թրամփը, սակայն, իր ելույթում ուղղակիորեն չի քննադատել ամուսնու նախաձեռնությունները։

Առաջին տիկինը հիշեցրել է նաև Սպիտակ տան պատմական ինտերիերի և տարածքների պահպանման ուղղությամբ իր նախկին աշխատանքները՝ ընդգծելով, որ յուրաքանչյուր փոփոխություն պետք է ներդաշնակ լինի համալիրի պատմական ճարտարապետությանը։