Զելենսկին նշել է Ուկրաինայում ընտրությունների անցկացման հիմնական խոչընդոտներից մեկը

Ուկրաինայի նախագահ Վլադիմիր Զելենսկին հայտարարել է, որ երկրում ընտրությունների կազմակերպման հիմնական խնդիրներից մեկը արտերկրում բնակվող միլիոնավոր ուկրաինացիների քվեարկության ապահովումն է։ Այս մասին նա ասել է CBC News-ին տված հարցազրույցում։

Զելենսկու խոսքով՝ ներկայում Ուկրաինայի սահմաններից դուրս գտնվում է մոտ 9 միլիոն քաղաքացի, մինչդեռ նախկինում արտերկրում ընտրություններին սովորաբար մասնակցում էր շուրջ 500 հազար մարդ։ Նա հարց է բարձրացրել, թե ինչպես է հնարավոր այդ պայմաններում կազմակերպել քվեարկությունը։

Ուկրաինայի նախագահը որպես առանձին խնդիր նշել է նաև Ռուսաստանի վերահսկողության տակ գտնվող տարածքներում բնակվող քաղաքացիների մասնակցությունը ընտրություններին՝ հարցադրելով, թե ինչպես և ում վերահսկողությամբ կարող է այնտեղ անցկացվել քվեարկությունը։