Շվեդիայի վարչապետը հրաժարական է տվել խորհրդարանական ընտրություններում պարտությունից հետո

Շվեդիայի վարչապետ Ուլֆ Քրիստերսոնը հայտարարել է հրաժարականի մասին այն բանից հետո, երբ նրա գլխավորած աջակողմյան դաշինքը պարտվել է խորհրդարանական ընտրություններում։ Քրիստերսոնը նշել է, որ իր հեռանալը հնարավորություն կտա խորհրդարանի խոսնակին անմիջապես սկսել նոր կառավարության ձևավորման գործընթացը։

Ձայների հաշվարկի վերջին տվյալներով՝ Մագդալենա Անդերսոնի գլխավորած ձախակենտրոն ընդդիմադիր ուժերը ստացել են Ռիկսդագի 349 մանդատներից 176-ը, իսկ Քրիստերսոնի դաշինքը՝ 173-ը։

Շվեդիայի ընտրական մարմինը պարզաբանում է, որ վերջնական արդյունքների հաստատման գործընթացը դեռ շարունակվում է և նախատեսվում է ավարտել ընտրություններից հետո՝ հանգստյան օրերին։ Դրանից հետո կհրապարակվի նաև մանդատների վերջնական բաշխումը։