Օրական քանի՞ բաժակ սուրճ կարելի է խմել՝ առանց առողջությանը վնասելու․ բժիշկը նշել է սահմանը

Օրական մինչև երեք բաժակ սուրճը մարդկանց մեծ մասի համար կարող է համարվել չափավոր քանակ, հայտարարել է բժիշկ-վերականգնող Սերգեյ Ագապկինը «Россия 1» հեռուստաալիքի «О самом главном» հաղորդման եթերում։

Բժշկի խոսքով՝ բազմաթիվ հետազոտություններում սուրճի չափավոր օգտագործումը կապվում է առողջության համար որոշ դրական ազդեցությունների հետ, սակայն օրական հինգ բաժակն արդեն գերազանցում է այն քանակը, որի դեպքում սովորաբար դիտարկվում են այդ առավելությունները։ Ագապկինը որպես սահման նշել է օրական երեք բաժակը։

Միաժամանակ սուրճի ազդեցությունը կարող է տարբեր լինել՝ կախված օրգանիզմից։ Մարդկանց մոտ, որոնց օրգանիզմը դանդաղ է քայքայում կոֆեինը, նույնիսկ առավոտյան խմած մեկ բաժակ սուրճը կարող է երեկոյան դժվարացնել քնելը։ Նման դեպքերում մասնագետը խորհուրդ է տալիս սահմանափակել կամ հրաժարվել կոֆեին պարունակող սուրճից։