Երևանում տղամարդու մեքենայից թմրանյութ են հայտնաբերել

Շենգավիթի ոստիկանները թմրամիջոցների ապօրինի շրջանառության դեպք են բացահայտել։

Ոստիկանության տվյալներով՝ Ներքին Շենգավիթի փողոցի հասցեներից մեկի մոտ հայտնաբերվել և ձերբակալվել է Երևանի բնակիչ 48-ամյա տղամարդ։ Նա կասկածվում է թմրամիջոց ձեռք բերելու, օգտագործելու և իրացնելու մեջ։

Տղամարդուն իր վարած «Հոնգչի» մակնիշի ավտոմեքենայով տեղափոխել են Շենգավիթի բաժին։ Ոստիկանությունում նա հայտնել է, որ մեքենայում թմրամիջոց կա։

Քրեական վարույթի շրջանակում ավտոմեքենան խուզարկվել է։ Հայտնաբերվել է մոտ 33 գրամ մեթամֆետամին և 9,7 գրամ մարիխուանա։ Հայտնաբերվել են նաև մարիխուանայով կաթուցիչներ, բյուրեղանման զանգվածով փաթեթ և այլ իրեր։

48-ամյա տղամարդը ներկայացվել է նախաքննական մարմին։

Դեպքի առթիվ նախաձեռնվել է քրեական վարույթ։ Նախաքննությունը շարունակվում է։